திருவள்ளூர் மாவட்டம், வேலைவாய்ப்பு மற்றும் பயிற்சித்துறை, அரசினர் தொழிற்பயிற்சி நிலையம், (ஆதிந) வடகரையில் தொழிற்கல்வி பெற இணையதளம் மூலமாக விண்ணப்பிக்கலாம் : மாவட்ட ஆட்சியர் ஆல்பி ஜான் வர்கீஸ் தகவல் :

பதிவு:2023-05-30 10:20:19

திருவள்ளூர் மே 30 : திருவள்ளூர் மாவட்டம், வேலைவாய்ப்பு மற்றும் பயிற்சித்துறை, அரசினர் தொழிற்பயிற்சி நிலையம், (ஆதிந) வடகரை, தொலைபேசி எண்.044-29555659, Mail:govtadwiti@gmail.com அரசினர் தொழிற்பயிற்சி நிலையம் (ஆதிந), வடகரை சென்னை-52. தொழிற்கல்வி பெறுவதற்காக www.skilltraining.tn.in என்ற இணையதளம் மூலமாக 24.05.2023 முதல் விண்ணப்பிக்கலாம். விண்ணப்பிக்க கடைசி தேதி 07.06.2023 ஆகும்.

அதன்படி பொருத்துநர், மின்சாரப்பணியாளர்), கம்மியர் மோட்டார் வாகனம் ஆகிய பிரிவுகளில் சேர குறைந்தபட்சம் 10-ஆம் வகுப்பு தேர்ச்சியும் பெற்றிருக்க வேண்டும்.பற்றவைப்பவர், கம்பியாள் ஆகிய பிரிவுகளில் சேர குறைந்தபட்சம் 8-ஆம் வகுப்பு தேர்ச்சியும் பெற்றிருக்க வேண்டும்.இந்த தொழிற்பிரிவுகளில் ஆண்,பெண் இருபாலரும் ஓராண்டு மற்றும் ஈராண்டு தொழிற்பிரிவுகளில் சேர்க்கை நடைபெற உள்ளது. 14 வயது முதல் 40 வயதுடைய இருபாலரும் விண்ணப்பிக்கலாம். பெண்களுக்கு வயது வரம்பு ஏதும் இல்லை.

விண்ணப்பக் கட்டணம் ரூ.50 மட்டும் (Debit Card / Credit Card / Net Banking / UPI) மூலம் செலுத்த வேண்டும்.மதிப்பெண் அடிப்படையில் நடைபெறும் இணையதள கலந்தாய்வுக்கான தரவரிசை பட்டியல் மற்றும் கலந்தாய்வு குறித்த விவரங்கள் கடைசி தேதிக்கு பிறகு இதே இணையதளத்தில் வெளியிடப்படும்.

பயிற்சிக் கட்டணம் இல்லை. பயிற்சியில் சேரும் அனைவருக்கும் உதவித்தொகை மாதம் ரூ.750 வீதம் வழங்கப்படும். மேலும் புத்தகங்கள், சீருடைகள், காலணிகள் மற்றும் இலவச பேருந்து பயண அட்டையும் மற்றும் அரசின் அனைத்து சலுகைகளுடன் தொழிற்பயிற்சி அளிக்கப்படுகிறது.

விரிவான விவரங்களுக்கு, www.skilltraining.tn.gov.in என்ற இணைதளத்தில் பார்வையிடுமாறும், வடகரை ஐ.வு.ஐ (044-29555659), மாவட்ட வேலைவாய்ப்பு மற்றும் தொழிற்நெறி வழிகாட்டி மையம்,திருவள்ளூர் (044-29896032) மற்றும் மாவட்ட திறன் பயிற்சி அலுவலகம், திருவள்ளூர் (044-27660250) ஆகியவற்றில் அமைக்கப்பட்டுள்ள சேர்க்கை உதவி மையங்களை அணுகி பதிவு செய்திடுமாறு மாவட்ட ஆட்சியர் ஆல்பி ஜான் வர்கீஸ் தெரிவித்துள்ளார்.