மக்களவைத் தேர்தலை முன்னிட்டு 10 சட்டமன்ற தொகுதிகளுக்கான இரண்டாம் கட்டமாக வாக்குச்சாவடி நிலை அலுவலருக்கான பயிற்சி வகுப்பு : மாவட்ட தேர்தல் அலுவலர் த.பிரபுசங்கர் ஆய்வு :

பதிவு:2024-04-08 14:06:00

திருவள்ளூர் ஏப் 08 : திருவள்ளூர் மாவட்டம், மாதவரம் வேலம்மாள் பொறியியல் கல்லூரி, திருவெற்றியூர் வெள்ளையன் செட்டியார் மேல்நிலைப்பள்ளி மாவட்ட தேர்தல் அலுவலரும் மாவட்ட ஆட்சியருமான த.பிரபு சங்கர் மக்களவைத் தேர்தல் -2024 முன்னிட்டு இரண்டாம் கட்டமாக வாக்குச்சாவடி நிலை அலுவலருக்கான நடைபெற்று வரும் பயிற்சி வகுப்பினை பார்வையிட்டு ஆய்வு மேற்கொண்டு பேசினார்.

தேர்தல் ஆணையத்தின் உத்தரவின் பேரில் திருவள்ளூர் பாராளுமன்ற தேர்தல் உட்பட்ட அனைத்து சட்டமன்ற தொகுதிக்கு உட்பட்ட 10 இடங்களில் தேர்தல் நடத்துபவர்கள் கொண்டு பயிற்சி வகுப்பு நடைபெற்றுக் கொண்டிருக்கிறது திருவள்ளுவர் மாவட்டத்தை பொருத்தவரை 16,220 பேர் தேர்தல் பணிக்காக தேர்ந்தெடுக்கப்பட்டு இரண்டாம் கட்டமாக வாக்குச்சாவடி நிலை அலுவலருக்கான பயிற்சியில் ஈடுபட்டுள்ளார்கள் திருவள்ளூர் மாவட்டத்தை பொருத்தவரை கும்மிடிப்பூண்டி, பொன்னேரி, திருத்தணி, திருவள்ளூர், பூந்தமல்லி ஆவடி, மதுரவயல், அம்பத்தூர், மாதவரம், திருவொற்றியூர் ஆகிய 10 சட்டமன்ற தொகுதிகளுக்கு வாக்குச்சாவடி நிலை அலுவலர்கள் தேர்ந்தெடுக்கப்பட்டு அவர்களுக்கான பயிற்சியினை உதவி தேர்தல் நடத்தும் அலுவலர் அவர்கள் தலைமையில் இரண்டாம் கட்டமாக வாக்குச்சாவடி நிலை அலுவலருக்கான பயிற்சி வகுப்பு நடைபெற்று வருகிறது .

தற்பொழுது மாதவரம் வேலம்மாள் பொறியியல் கல்லூரியில் நடைபெற்றுக் கொண்டிருக்கும் வாக்குச்சாவடி நிலை அலுவலருக்கான பயிற்சி 53 அறையில் 2288 நபர்களுக்கு பயிற்சி அளிக்கப்பட்டு வருகிறோம் மாண்புமிகு தேர்தல் ஆணையத்தின் அறிவுரையின்படி ஒரு பயிற்சி வகுப்பில் 40 நபர் என்ற அளவில் பயிற்சி அளிக்கப்பட்டு வருகிறோம். ஒவ்வொரு அறைக்கும் ஒரு பயிற்றுனர் என்ற அடிப்படையில் 53 பயிற்றுநர்கள் கொண்டு பயிற்சி அளிக்கப்பட்டு வருகிறோம்.

இதே போல் திருவொற்றியூர் வெள்ளையன் செட்டியார் மேல்நிலைப் பள்ளியில் 1368 வாக்குச்சாவடி நிலை அலுவலர்களுக்கு 35 அறைகளில் பயிற்சி அளித்து வருகிறோம். மேலும், திருவள்ளூர் மாவட்டத்தில். உள்ள அனைத்து சட்டமன்ற தொகுதிக்கு வாக்குச்சாவடி நிலை அலுவலருக்கான பயிற்சி வகுப்பு நடைபெற்று வருகிறது இந்த பயிற்சியை பொருத்தவரை வாக்குச்சாவடி நிலை அலுவலர்களுக்கு அவர்களின் பொறுப்புகள் மற்றும் கடமைகள் குறித்து பயிற்சி அளிக்கப்பட்டு வருகிறோம். மேலும், மின்னணு வாக்குப்பதிவு இயந்திரத்தை எவ்வாறு கையாள வேண்டும் நமது மாவட்டத்தில் தான் ஒரு காணொளி விளக்கப்படம் மூலம் பயிற்சி அளித்து வருகிறோம். மேலும், மாதிரி வாக்குச்சாவடி மையம் அமைக்கப்பட்டு தேர்தல் விதிமுறைகள் படி வாக்குச்சாவடியில் செயல்பாடுகள் குறித்து பயிற்சி அளிக்கப்பட்டு வருகிறோம்

மேலும், அனைத்து வாக்குச்சாவடி நிலை அலுவலர்கள் சிறப்பான பயிற்சி நிலையினை அடைந்துள்ளார்கள். மேலும் அவர்களுக்கு தேவையான அடிப்படை வசதிக்கான குடிநீர், கழிப்பறை வசதி, உணவு போன்ற வசதிகள் ஏற்பாடு செய்யப்பட்டுள்ளது ஆவலுடன் பயிற்சி ஈடுபட்டு வரும் வாக்குச்சாவடி நிலை அலுவலர்கள் பயிற்சிகளில் தேர்தல் ஆணையம் அளித்துள்ள விதிமுறைகள் படி நேர்மையான முறையில் சரியான முறையில் நடத்திக் காட்டுவார்கள். என மாவட்ட தேர்தல் அலுவலர் த.பிரபு சங்கர் தெரிவித்தார்.

இதில் வட்டார துணை ஆணையாளர்(வடக்கு) கட்டா ரவி தேஜா, மாதவரம் உதவி தேர்தல் அலுவலர் கண்ணன்,திருவொற்றியூர் உதவித் தேர்தல் அலுவலர் நவீந்திரன்,மாதவரம் வட்டாட்சியர் வெங்கடாஜலபதி,திருவொற்றியூர் வட்டாட்சியர் சௌந்தரராஜன் மற்றும் அரசு அலுவலர்கள் உட்பட பலர் கலந்து கொண்டனர்.