தமிழ்நாடு சீர்மரபினர் நலவாரிய உறுப்பினர்களுக்கு நலத்திட்ட உதவிகள் பெற விண்ணப்பிக்கலாம் : மாவட்ட ஆட்சியர் த.பிரபுசங்கர் தகவல் :

பதிவு:2024-07-12 11:28:48

திருவள்ளூர் ஜூலை 12 : பிற்படுத்தப்பட்டோர் நலத்துறை அமைச்சரை தலைவராகவும் இராசா.அருண்மொழியை துணைத் தலைவராக கொண்டு தமிழ்நாடு சீரமரபினர் நலவாரியம் சீரிய முறையில் செயல்பட்டு வருகிறது. இவ்வாரியத்தில் பதிவு பெற்ற உறுப்பினருக்கு விபத்து ஈட்டுறுதி திட்டத்தின் கீழ்உதவித்தொகை,இயற்கை மரணத்திற்கான உதவித்தொகை,ஈமச்சடங்கு செலவிற்கான உதவித்தொகை,கல்வி உதவித்தொகை,திருமண உதவித்தொகை,மகப்பேறு உதவித்தொகை, மூக்குக்கண்ணாடிசெலவுத்தொகை ஈடுசெய்தல்,முதியோர் ஓய்வூதியம் உள்ளிட்ட நலத்திட்ட உதவிகள் கடந்த 2008 ஆம் ஆண்டு முதல் வழங்கப்பட்டு வருகிறது.

இத்திட்டத்தில் சீரமரபினர் இனத்தைச் சார்ந்தவர்கள்,8 வயது முதல் 60 வயதுக்கு மிகாமல் உள்ளவர்கள், அமைப்பு சாரா நிறுவனங்களில் பணிபுரியாத குடும்பத்தில் ஒருவர் (அமைப்பு சாரா தொழில், நிலமற்ற விவசாய கூலி, உடலுழைப்பு தொழிலில் ஈடுபட்டுள்ள) இவ்வாரியத்தில் உறுப்பினராக பதிவு செய்து நலத்திட்ட உதவிகள் பெறவிண்ணப்பங்கள் வரவேற்கப்படுகின்றன.

மேலும் ஏற்கனவே உறுப்பினராக பதிவு செய்தோர்கள் தங்கள் உறுப்பினர் பதிவினை விரைவில் புதுப்பித்துக்கொள்ள மாவட்ட ஆட்சியர் அலுவலகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலரை தொடர்பு கொள்ள வேண்டும் என மாவட்ட ஆட்சியர் த.பிரபுசங்கர் தெரிவித்துள்ளார்.