கடம்பத்தூர் ஊராட்சி ஒன்றியத்தில் செயல்பட்டு வரும் வளர்ச்சி திட்ட பணிகள் : மாவட்ட ஆட்சியர் மு.பிரதாப் பார்வையிட்டு ஆய்வு :

பதிவு:2025-02-08 13:02:22

திருவள்ளூர் பிப் 08 : திருவள்ளூர் மாவட்டம், கடம்பத்தூர் ஊராட்சி ஒன்றியத்திற்கு உட்பட்ட பள்ளியரைகுப்பம், கடம்பத்தூர், சத்திரை மேட்டு காலனி, கல்லம்பேடு, புதுப்பட்டு, கூவம் , கொப்பூர் ஆகிய பகுதிகளில் பல்வேறு துறைகளில் செயல்பட்டு வரும் வளர்ச்சி திட்ட பணிகளை மாவட்ட ஆட்சியர் மு .பிரதாப் பார்வையிட்டு ஆய்வு மேற்கொண்டு பேசினார்.

திருவள்ளூர் மாவட்டம் கடம்பத்தூர் ஊராட்சி ஒன்றிய பகுதிக்கு உட்பட்ட பள்ளியரை குப்பத்தில் தோட்டக்கலை மற்றும் மலைப்பயிர்கள் துறை சார்பாக மாநில தோட்டக்கலை வளர்ச்சி திட்டம் (2024-25), நிழல் வளைகுடில் அமைத்து மிளகாய் மற்றும் கத்திரி நாற்றுக்கள் பரப்பப்பட்டிருந்ததை பார்வையிட்டு மிளகாய் நாற்றுக்கு தேவையான மூலப்பொருட்களை விவசாயிகளை தயாரிக்க அட்மா திட்டத்தின் மூலம் அவர்களுக்கு பயிற்சி அளித்தும் அவர்களுக்கு தேவையான விதைகளை துறையின் மூலமாக கொடுப்பதற்கு நடவடிக்கை மேற்கொள்ள வேண்டும் கத்தரி செடியில் பூச்சிக்கொல்லி தெளிப்பதற்கு விவசாயிகளுக்கு ஆலோசனை வழங்க வேண்டும் வட்டார அலுவலர் விவசாயிகள் பயிர் சாகுபடியினை பார்வையிட்டு விவசாயிகளுக்கு ஆலோசனை வழங்க வேண்டும்.

தொடர்ந்து கடம்பத்தூர் ஆரம்ப சுகாதார நிலையத்தில் வெளிப்புற நோயாளிகளின் எண்ணிக்கை, மருந்துகள் இருப்பு, மகப்பேறு ஆகியவைகள் குறித்தும், தொடர்ந்து சத்திரை மேட்டு காலணியில் PM JANMAN திட்டத்தில் பழங்குடியினர்களுக்கு கட்டப்பட்டு வரும் 53 வீடு கட்டும் பணிகள் அனைத்து முடிவுற்று மே இறுதிக்குள் பயன்பாட்டிற்கு கொண்டு வர வேண்டும்.

தொடர்ந்து கல்லம்பேடு பகுதியில் மகாத்மா காந்தி தேசிய வேலை உறுதி திட்டத்தின் கீழ் 100 நாள் திட்டத்தில் வேலை பார்க்கும் பயனாளிகளை கொண்டு ஏலப்பாக்கம் ஏரிக்கு செல்லும் வரத்து கால்வாயை சீரமைப்பு பணி நடைபெறுவதையும், தொடர்ந்து புதுப்பட்டு பகுதியில் இயற்கை முறையில் விவசாயம் மேற்கொள்ளப்பட்டு வரும் விவசாயிகளின் சாகுபடி குறித்தும், அதே பகுதியில் ஊராட்சி ஒன்றிய தொடக்கப் பள்ளியில் மாணவ மாணவியருக்கு வழங்கப்படும் மதிய உணவின் தரம் குறித்தும் ஆய்வு மேற்கொண்டு பள்ளிக்கு தேவையான அடிப்படை உட்கட்டமைப்பு வசதிகளான கழிப்பறை, குடிநீர், சேதமடைந்துள்ள வகுப்பறை கட்டிடத்தினை இடித்து புதிய கட்டிடம் கட்டுவதற்காக அலுவலரிடம் அறிவுறுத்தினார்.

மேலும் கூவம் பகுதியில் கொத்தடிமையில் இருந்து மீட்கப்பட்ட மக்களுக்கு வர்ணம் 2 திட்டத்தின் கீழ் தொழில் புரிவதற்கான தொழில் கூடத்தினை திறந்து வைத்து செயல் திட்டங்கள் குறித்து கேட்டறிந்தார். தொடர்ந்து கொப்பூர் பகுதியில் மிக்ஜாம் புயலினால் பாதிக்கப்பட்ட மக்களுக்கு வீடு கட்டப்பட்டு வரும் திட்ட பணிகளை பார்வையிட்டு மார்ச் இறுதிக்குள் கட்டி முடித்து பயனாளிகள் பயன்படும் வகையில் பணிகளை முடித்து விட வேண்டும் என அலுவலர்களுக்கு மாவட்ட ஆட்சியர் மு. பிரதாப் அறிவுறுத்தினார்.

இதில் வேளாண்மை இணை இயக்குனர் (பொ) வேதவல்லி, மாவட்ட ஆட்சியரின் நேர்முக உதவியாளர் வேளாண் மோகன், தோட்டக்கலைத்துறை துணை இயக்குனர் ஜெபகுமாரி அனி, கடம்பத்தூர் வட்டார வேளாண் உதவி இயக்குனர் வெங்கடேசன், வட்டார வளர்ச்சி அலுவலர்கள் செல்வகுமார் சிவகுமார் உட்பட பலர் கலந்து கொண்டனர்.