”உங்களைத் தேடி உங்கள் ஊரில்” திட்ட கள ஆய்வுக்கு கும்மிடிப்பூண்டி வட்டம் தேர்வு : திருவள்ளூர் மாவட்ட ஆட்சியர் மு. பிரதாப் தகவல் :

பதிவு:2025-02-08 13:11:32

திருவள்ளூர் பிப் 08 : தமிழ்நாடு முதலமைச்சர் மக்களை நாடி, மக்கள் குறைகளை கேட்டு, உடனுக்குடன் தீர்வு காண அரசு இயந்திரம் களத்திற்கே வரும் ”உங்களைத் தேடி உங்கள் ஊரில்” என்ற புதிய திட்டத்தினை அறிவித்தார். மேற்படி திட்டத்தின் படி ஒவ்வொரு மாவட்ட ஆட்சியரும், பிரதி மாதம் ஒவ்வொரு மாதமும் (மூன்றாவது புதன்கிழமை அன்று) ஒரு நாள் வட்ட அளவில் தங்கி, கள ஆய்வில் ஈடுபட்டு, அரசு அலுவலகங்களை ஆய்வு செய்து, மக்களின் குறைகளை கேட்டறிந்து, அரசின் அனைத்து நலத் திட்டங்களும், சேவைகளும், தங்கு தடையின்றி மக்களைச் சென்றடைவதை உறுதி செய்ய வேண்டும் என உத்தரவிடப்பட்டது.அதன்பேரில் பேரில், திருவள்ளூர் மாவட்ட ஆட்சியர் மு. பிரதாப் ”உங்களைத் தேடி உங்கள் ஊரில்” திட்டத்தின்படி பிப்ரவரி –2025 மாதத்திற்கான கள ஆய்வுக்கு 19.02.2025 அன்று கும்மிடிப்பூண்டி வட்டம் தேர்வு செய்யப்பட்டுள்ளது.