மறைந்த முன்னாள் பிரதமர் வாஜ்பாய் 98 வது பிறந்த நாளையொட்டி பாஜக சார்பில் அவரது திருவுருவ படத்திற்கு மாலை அணிவித்து மரியாதை

பதிவு:2022-12-27 09:01:39

திருவள்ளூர் டிச 26 : திருவள்ளூர் அடுத்த மணவாள நகரில் மறைந்த முன்னாள் பிரதமர் அடல் பிஹாரி வாஜ்பாயின் 98- வது பிறந்த நாளையொட்டி திருவள்ளூர் மாவட்ட பாஜக சார்பில் அவரது திருவுருவப்படத்திற்கு மாலை அணிவித்து மலர் தூவி மரியாதை செலுத்தும் நிகழ்ச்சி நடைபெற்றது

இந்த நிகழ்ச்சிக்கு மாவட்ட செயலாளர் பன்னீர்செல்வம் தலைமை தாங்கினார். இந்த நிகழ்ச்சியில் மாநில ஓபிசி அணி பிரிவு செயலாளர் ராஜ்குமார் கலந்து கொண்டு மலர் தூவி மரியாதை செலுத்தினார். அதே போல் பூண்டி, கடம்புத்தூர், ஊத்துக்கோட்டை ஆகிய பகுதிகளில் அவரது படத்திற்கு மாலை அணிவித்து மரியாதை செலுத்தினர்.பின்னர் நூற்றுக்கும் மேற்பட்டோருக்கு அன்னதானம் வழங்கினர். இதில் பாஜக நிர்வாகிகள் பலர் கலந்து கொண்டனர்.